«Жеңістің» экс-бапкері ҚПЛ-ға оралуы мүмкін

«Жеңістің» бұрынғы бас бапкері Акис Вавалис мансабын Қазақстан Премьер-лигасында жалғастыру нұсқасын қарастыруда, деп хабарлайды ASnews.kz.

40 жастағы бапкердің агенті бірнеше командамен келіссөз жүргізуде. Қазіргі уақытта «Оқжетпес», «Ертіс» және басқа да клубтар бас бапкер мәселесін шешкен жоқ.

Акис Вавалис 2024 жылғы маусымда «Жеңісті» баптап, осы жылдың мамыр айында командадан кетті. Ол елордалық клубта 30 матч өткізіп, орта есеппен әр ойында 1,13 ұпай жинады.

Қазақстанға келмес бұрын ол Албанияның «Дрита» және Болгарияның «Крумовград» командаларында жұмыс істеді, сондай-ақ Грекия мен Кипрдегі «Астерас», «Ираклис» және «Арис Салоники» сияқты клубтарда бапкердің көмекшісі болды.