Қашкен – «Жетісуда» қалу мүмкіндігі жайлы: команда алдына мақсат қоюы керек

«Жетісу» қорғаушысы Дінмұхаммед Қашкен ASnews.kz сайтына берген сұхбатында болашағы мен келесі маусымға арналған жоспарлары туралы пікір білдірді.

«Қазір «Жетісудамын», басқа ешкіммен сөйлескен жоқпын. Әзірге білмеймін. «Жетісу» келісімшарт ұсынса, ойланып көремін. 

Егер «Жетісуда» қалсам, клубтың ТОП-5 қатарына қосылуы үшін барымды саламын. Еш мақсатсыз ойнап жүре алмаймын. Команданың ішінде өз мақсатыңды анықтап алу қажет. Мүмкін емес ештеңе жоқ қой. Ойын практикасы болып тұрса, кез-келген футболшы алдына мақсат қояды», – деді футболшы.

Өткен маусымда Қашкен «Ұлытау» мен «Жетісу» сапында ойнап, 14 матчта 1 гол соқты. Қазан айында ұлттық құрамаға шақырту алғанымен, Лихтенштейн (4:0) және Солтүстік Македониямен (1:1) болған матчтарға қатыспады.