«Қайсардың» экс-легионері – клубтың жаңа директоры жайлы: ол өз ісіне берілген адам

«Қайсардың» бұрынғы шабуылшысы Филип Эдейпо ASnews.kz сайтына берген сұхбатында Алдан Балтаевтың қызылордалық клубтың спорт директоры болып тағайындалу мүмкіндігіне қатысты пікір білдірді.

«Алдан әрқашан көңілді жүретін және жұмсақ мінезді жігіт еді. Мен «Қайсарға» алғаш келген кезде ол мені бауырындай қарсы алды. Оның мені көлігімен жиі алып кететіні есімде. Ол өз ісіне берілген адам.

Егер Балтаев клубты басқарса, олардың жаңа маусымда жақсы ойнап, жетістікке жететініне сенімдімін», - деді Эдейпо.

36 жастағы Балтаев – Қызылорда футбол академиясының түлегі. Экс-қорғаушы туған қаласының командасында 174 матч өткізіп, 13 гол соқты.

БАҚ-та тараған ақпарат бойынша, ол Мақсат Байжановтың орнын басады.