Майкомның агенті: ол «Елімайда» қалғысы келеді – ұсыныс күтіп отырмыз

Давид Майкомның агенті Жоао Сантос ASnews.kz сайтына берген сұхбатында бразилиялық фктболшының «Елімайдан» кетуіне қатысты пікір білдірді.

«Елімай» Майкомнан бас тартты деп жатыр ма? Шын мәнінде, біз әлі де жаңа ұсыныс күтіп отырмыз. Семейде қалу – ойыншының негізгі мақсаты», – деді футбол агенті.

25 жастағы жартылай қорғаушының клубпен келісімшарты желтоқсанда аяқталады. Өткен маусымда ол 23 матч өткізіп, бір гол мен үш нәтижелі пасты өз атына жазды.

Майком бұған дейін «Синтренсе» және «Джюгас» клубтарында ойнаған.