Смаков – ҚПЛ күнтізбесі жайлы: ұзақ үзілістер клубтарға да, ұлттық құрамаға да зиянын тигізеді

Қазақстан құрамасының бұрынғы капитаны және «Жетісу» командасының бас бапкері Самат Смақов ASnews.kz сайтына берген сұхбатында чемпионаттың ерте аяқталуы және оның клубтар мен ұлттық құрамаға тигізетін әсері жайлы өз пікірімен бөлісті.

«Қателеспесем, чемпионат 26 қазанда аяқталды. Біз бұрын қараша айында да ойнайтынбыз. Ұзақ үзілістер болғанымен, чемпионат ерте аяқталып қалды. Келесі маусымда 16 команда болады, сонымен қатар кубок ойындары бар – демек, чемпионат ұзаққа созылады. Бізге көбірек матчтар қажет. «Қайрат» қазір еурокубокта ойнағанымен, тонуста емес. Өткен жылы «Астана» да осындай жағдайға тап болды: чемпионат ерте аяқталды, ал Конференция лигасының ойындары желтоқсанға дейін жалғасты. Жігіттер қазір демалыс туралы ойлап жатыр – бұдан құтылу мүмкін емес, тіпті кейбіреулері футболдан шаршаған болуы мүмкін. Ойындар арасындағы ұзақ үзілістер оларға ауыр тиеді. Иә, командалардың көп болуы матчтардың артқанын білдіреді, бірақ біздің инфрақұрылымымыз қарашаға дейін ойнауға мүмкіндік бермейді. Барлық жерде суық және қар ерте жауады. Егер инфрақұрылым жақсы болса, біз еуропалық форматқа (күз/көктем) ауыса аламыз. Сонда Еуропадағыдай ұзақ үзілістер болмайды. Бірақ ол үшін бізге стадиондар мен манеждер қажет.

Қазақстан құрамасы Бельгияға қарсы ойын алдында да қиналады – біздің жігіттердің жағдайы жақсы емес. Ал бельгиялық ойыншылардың барлығы топ-клубтарда ойнайды, қазір нағыз бабында тұр», – деді Смаков.

Төрт турдан кейін «Қайрат» Чемпиондар лигасының турнирлік кестесінде 34-ші орында тұр.

15 қараша күні Қазақстан құрамасы 2026 жылғы әлем чемпионатының іріктеу кезеңіндегі соңғы ойынын Бельгияға қарсы өткізеді. 18 қарашада Талғат Байсуфинов шәкірттері Хорватияның Пула қаласында Фарер аралдарымен кездеседі.