Купер – ҚПЛ жайлы: ол жақта күрес көп, әлсіздер ойнай алмайды

«Тобылдың» бұрынғы шабуылшысы Годберг Купер ASnews.kz сайтына берген сұхбатында өзі ойнаған лигалар арасындағы айырмашылықтарды атап өтті.

«Қазақстандағы футбол көбіне физикаға негізделген. Италияда бәрі тактика мен логикаға байланысты. Бұл жақта футболды тек мимен ойнайды. Физикаға да аздап көңіл бөледі, бірақ Қазақстандағыдай дәрежеде емес.

Жалпы алғанда, лигалар арасында үлкен айырмашылық бар. Португалияда бәрі жылдамдық пен техникаға негізделген. Румыния, Албания және Қазақстан футболы ұқсас болып келеді – оларда допқа талас, қысым, дуэль көп және көп жүгіреді. БАӘ-нің деңгейі де жақсы, бірақ ҚПЛ-дағыдай физикаға көп көңіл бөлмейді. Ол жақта допты көп ұстап, позициялық шабуылдарға иек артады. Ойын ырғағы мүлдем басқа.

Қазақстан чемпионаты өте қиын, әсіресе Премьер-лигаға жаңадан келген жас ойыншылар үшін. Бірақ олар үшін бұл өсіп, алға жылжу үшін тамаша мүмкіндік», – деді Купер.

Италиялық шабуылшы бұған дейін Португалия, Румыния, Албания, БАӘ және Қазақстанда ойнаған.