«Ордабасы» Қараманға қызығушылық танытуда

Шымкенттік «Ордабасы» Қазақстан құрамасының жартылай қорғаушысы Дінмұхамед Караманға көз тікті, деп хабарлайды ASnews.kz.

Ойыншының елордалық «Жеңіспен» келісімшарты осы жылдың соңында аяқталады.

Өткен маусымда 25 жастағы жартылай қорғаушы «Жеңіс» сапында 29 ойын өткізіп, төрт гол мен бес нәтижелі пастың авторы атанды.

Қыркүйек айында Караман Қазақстан құрамасында дебют жасап, Бельгиямен болған ойында (0:6) қосалқы құрамнан алаңға шықты. Қазан айында Тараздың тумасы Солтүстік Македонияға қарсы ойында (1:1) ұлттық құрама сапындағы дебюттік голын соқты.

Transfermarkt ойыншыны 250 000 еуроға бағалап отыр.