Смаков – Моревтің дүниеден өтуі жайлы: ешкім де бұлай боларын білген білген жоқ

Қазақстан құрамасының бұрынғы капитаны Самат Смаков ASnews.kz сайтына берген сұхбатында Андрей Моревтің қайтыс болғаны туралы хабар күтпеген жерден келгенін айтты.

«Біз бір апта бұрын хат жазысып тұрдық, бәрі жақсы еді. Денсаулығында ешқандай кінәрат болмаған. Әдеттегідей көңілді және позитивті көңіл-күйде болды. Ешкім де бұлай боларын білген білген жоқ. Қазіргі уақытта біз оның отбасымен Петр Бадло арқылы байланысып, көмектесу және қолдау көрсету үшін жұмыс істеп жатырмыз. Жерлеу рәсімі ертең Анапада өтеді», – деді Смаков.

52 жастағы Қазақстан құрамасының бұрынғы қақпашысы Андрей Морев кеше қайтыс болды. Ол кәсіби мансабында «Иртыш» (Омск), «Локомотив» (Чита), «Жеңіс», «Тобыл» және «Ақтөбе» командаларында ойнады, олармен бірге екі рет чемпионатта топ жарды. 2005 жылы Морев Қазақстанның ең үздік қақпашысы атанды. Мансабын аяқтағаннан кейін «Иртыш» (Омск) және «Спартак» (Анапа) командаларында қақпашылар жаттықтырушысы болып жұмыс істеді.