«Қайрат» легионері – Тұяқбаев туралы: оның болашағы жарқын

Алматылық «Қайраттың» шабуылшысы Рикардиньо ASnews.kz тілшісіне берген сұхбатында «Жетісуға» қарсы матчта (5:0) дебюттік голын соққан әріптесі Азамат Тұяқбаев туралы пікірімен бөлісті.

«Ол тек жақсы адам ғана емес, сонымен қатар тамаша футболшы. Азаматтың әлеуеті зор. Егер ол апта сайын тынбай жұмыс істеп, жетіле берсе, оны жарқын болашақ күтіп тұр», – деді Рикардиньо.

«Жетісуға» қарсы ойында Жоржиньо (дубль), Эдмилсон, Дастан Сәтпаев (пенальти), Азамат Тұяқбаев гол соққан болатын. Бұл 18 жастағы шабуылшының негізгі команда сапындағы дебюттік голы ретінде тіркелді. Ол негізгі командадағы дебютін бірінші айналымда «Жетісумен» болған ойында (2:2) жасаған еді.

ASnews.kz бұған дейін Тұяқбаевқа англиялық клубтың қызығушылық танытқанын хабарлаған болатын.

Осы жеңістен кейін «Қайрат» ҚПЛ кестесінде бірінші орынға қайта шығып, «Астанадан» екі ұпайға озып кетті.