Сорокин – «Астанамен» бәсекелестігі туралы: қазір жағдай шиеленісіп тұр

Алматылық «Қайраттың» қорғаушысы Егор Сорокин ASnews.kz тілшісіне берген сұхбатында «Астанамен» болатын титулдық шайқас туралы пікір білдірді.

«Қазір шиеленіс өте жоғары болып тұр. «Қайрат» пен «Астана» арасындағы текетірес әрқашан қызықты болған және солай болып қала береді. Біз былтырғы жетістікті қайталау үшін қолдан келгеннің бәрін жасаймыз. Чемпионаттың аяқталуына екі тур қалды, оған жақсылап дайындаламыз. Халықаралық үзілістен кейін қайта жиналып, маусымның финалдық кезеңіне дайындықты бастаймыз», – деді 29 жастағы қорғаушы.

24-турдың кейінге қалдырылған кездесуінде «Қайрат» өз алаңында «Жетісуды» 5:0 есебімен сенімді түрде жеңді. Жоржиньо (екі гол), Эдмилсон, Сәтпаев (пенальти) және Тұяқбаев мергендігімен көзге түсті.

Алматылықтар маусымдағы соңғы матчын «Астанаға» қарсы өткізеді, бұл ойын чемпиондықтың тағдырын шешеді.

Бұған дейін «Қайраттың» шабуылшысы Рикардиньо команданың маусымдағы мақсаттары туралы айтып, жеке мотивациясымен бөліскен болатын.