Кенжебек «Селтикке» ауыспайды: шотландиялық клуб ұсыныс жасамаған екен

«Селтик» 22 жастағы «Елімай» вингері Ғалымжан Кенжебектің трансферіне қатысты ешқандай ұсыныс жасаған жоқ, деп хабарлайды ASNews.kz.

Бұқаралық ақпарат құралдарының хабарлауынша, «Селтик» әлі күнге дейін семейлік клубқа Кенжебектің трансфері туралы өтініш немесе нақты ұсыныспен келмеген.

Бұл ақпаратты Шотландияның дереккөздері де растап отыр: ол жақтағы трансферлік терезе екі апта бұрын жабылып қалған екен.

Еуропалық клубтар маусым соңына дейін «Елімайда» қалатын шабуылшыны бақылауын жалғастыруда. Оған «Хартс», сондай-ақ словакиялық және ресейлік клубтар қызығушылық танытуда.

Ғалымжан ҚПЛ аясындағы сегіз матчта бес гол соғып, үш нәтижелі пас берді. Transfermarkt ойыншының құнын 225 мың еуроға бағалап отыр.