«Атлетико»–«Айнтрахт»: Мадридте голдар «жауыны» күтілуде

30 қыркүйектен 1 қазанға қараған түні Чемпиондар лигасының жалпы кезеңінің екінші туры аясында мадридтік «Атлетико» франкфурттық «Айнтрахты» қабылдайды, деп хабарлайды ASnews.kz.

«Атлетико»

Диего Симеоненің командасы маусымды ауыр бастағанымен, біртіндеп қарқын алып келеді. Чемпиондар лигасының алғашқы турында «матрастар» сырт алаңда «Ливерпулмен» кездесіп, 0:2 есебімен ұтылып жатып, таразы басын теңестірген. Алайда қосымша уақытта гол өткізіп алды – 2:3. Ла Лигада «Мальормен» (1:1) тең ойнаған соң, «Райо Вальеканоны» (3:2) жеңді. Соңғы турда «Атлетико» бүкіл Еуропаны таң қалдырды – мадридтік дербиде «Реалды» 5:2 есебімен ойсырата ұтты. Қазір команда 12 ұпаймен бесінші орында.

«Айнтрахт»

Франкфурттық клуб та жаңа маусымда сенімді ойнап жүр. Чемпиондар лигасының алғашқы турында Дино Топмёллердің командасы «Галатасарайды» тас-талқан етті – 5:1. Бундеслигада «Унион Берлинге» (3:4) есе жібергенімен, келесі ойында «Боруссия Мёнхенгладбахпен» нағыз гол фестивалін жасады – 6:4. Қайратты ойын стилі әзірге нәтижесін беруде: тоғыз ұпай, турнир кестесінде төртінші орын.

Фактілер мен сандар

• «Атлетико» соңғы 9 үйдегі матчтың 8-інде жеңіске жетті.
• «Айнтрахттың» соңғы 7 ойынында тұрақты түрде тотал 3.5-тен жоғары өтті.
• «Айнтрахт» сырт алаңдағы соңғы 8 кездесудің 7-інде жеңілген жоқ.
• 
  

ASnews.kz болжамы

Ойын нәтижелі болмақ: қос команда да шабуылға сүйенеді және алаңнан голсыз кетпейді.

• Негізгі болжам: тотал 2.5-тен жоғары.
• Баламасы: екі команда да гол соғады – иә.