Британдық журналист – «Қайраттың» ЧЛ-на шығуы туралы: Еуропа алыптары мұндай сапарды ұнатпайды

Sky Sports UK бағдарламасының бұрынғы жүргізушісі және британдық журналист Пол Гилмор BorodAbata.kz (AS News) сайтына берген сұхбатында «Қайраттың» Чемпиондар лигасының негізгі кезеңіне шығуына қатысты пікір білдірді.

«Селтиктен» өту таңғаларлық нәтиже болды, өйткені барлығы қазір дағдарысқа «Селтик» емес «Рейнджерс» тап болды деп ойлады! Шындығында, «Селтик» Глазгодағы көршілеріне қарағанда әлдеқайда тұрақты көрінеді және Чемпиондар лигасындағы тәжірибесі көбірек. Брендан Роджерс командасы келесі кезеңге еш қиындықсыз өтеді деп күтілген еді», – деді Гилмор.

Журналист алматылық команданың қарсыластары үшін ұзақ сапардың кедергі болатынын баса айтты:

«Егер еуропалық футбол алпауыттарына шынымен ұнамайтын нәрсе болса, бұл аптаның ортасында батылдық танытып, Чемпиондар лигасының жалпы кезеңіне жолдама алған андердогқа қарсы ойнау үшін алыс сапарға шығу».

«Қайрат» «Селтикті» пенальтилер сериясында тізе бүктіріп, тарихында алғаш рет Чемпиондар лигасының негізгі кезеңіне өтті. Алматылықтар енді сегіз матч өткізеді – төртеуін өз алаңында («Реал», «Брюгге», «Олимпиакос», «Пафос») және төртеуін сырт алаңда («Интер», «Арсенал», «Спортинг», «Копенгаген»).