Астанада өтетін УЕФА Суперкубогына арналған билеттердің бағасы белгілі болды

Осыдан бірнеше күн бұрын 2028 жылғы УЕФА Суперкубогының «Астана Аренада» өтетіні ресми түрде хабарланды. Бұл матч аясында сол жылғы Чемпиондар лигасы мен Еуропа лигасының жеңімпазы күш сынасады.

Осы тұста ASnews.kz тілшісі Суперкубок ойынына арналған билет бағаларын анықтап көрді. 

2026 жылғы УЕФА Суперкубогының билеттері 30 еуродан 150 еуроға дейін сатылды. Матч 12 тамызда Зальцбургтегі (Австрия) «Stadion Salzburg» стадионында өтті. 

Билет бағалары:

• Fans First – €30 (15 300 теңге) – финалист командалардың жанкүйерлеріне арналған

• 3-санат – €50 (25 500 теңге)

• 2-санат – €90 (45 900 теңге)

• 1-санат – €150 (76 500 теңге)

• Prime Seats – €350 (178 500 теңге) – 1-санаттағы орталық орындар 

Естеріңізде болса, 2025 жылы «Қайрат» Чемпиондар лигасының негізгі кезеңіне шығып, өз алаңындағы ойындарға кіру бағасын 30 мың – 250 мың теңге аралығында бекіткен еді.

Бірақ 2028 жылы Астанада өтетін ойын кезінде мұндай бей-берекетсіздік болмайды. УЕФА Суперкубогына арналған билеттердің бағасын ұйымның өзі бекітіп, сатуды да УЕФА ұйымдастырды. Биылғы матч Зальцбург қаласында өткенімен, билет бағасын Аустрия тарапы жеке белгілемеген.

Яғни, турнирді қабылдайтын ел стадион мен матчтың ұйымдастыруына қатысады, бірақ билет санаттары мен бағаларын УЕФА өзі белгілейді.

2026 жылғы Суперкубоктың билеттері жалпы көрермендерге тек UEFA-ның ресми сайты арқылы сатылған, ал финалист клубтардың жанкүйерлеріне бөлінген билеттерді клубтардың өздері үйлестірген. 

Айтпақшы, 2026 жылғы Суперкубокта ПСЖ мен «Астон Вилла» кездесіп, париждік клуб 2:1 есебімен жеңіске жетті.

Арман орындалды: Қазақстанның Еуропаға өтуіне себепші болған тұлға УЕФА Суперкубогының Астанада өтуі жайлы