Супер-жастықтар, көзілдірік және жеке аспаз: «Андерлехт» «Қайратқа» қарсы ойнау үшін Алматыға қалай ұшып келді?

Бельгиялық сарапшы әрі Nieuwsblad басылымының журналисі Юрген Джерил ASnews.kz сайтына берген сұхбатында «Андерлехт» Алматыға дейінгі ұзақ жолға байланысты ешқандай қиындық сезінбегенін мәлімдеді.

Әуед өткізген тоғыз сағат мәселе емес пе?

«Шын мәнінде, «Андерлехт» ұзақ ұшу сапарына тыңғылықты дайындалды. Сейсенбінің өзінде-ақ олар қолжетімді ұшақтардың ішіндегі ең жайлысымен ұшып шықты. Бортта футболшылардың бабын сақтау үшін барлық жағдай жасалған: эргономикалық жастықтар, шалқаятын орындықтар, аяқты қалпына келтіру құралдары және джетлагты жеңілдетуге арналған арнайы көзілдіріктер бар.

Сонымен қатар, клуб өзімен бірге тек денсаулыққа пайдалы тағамдар дайындайтын жеке аспазын ала келді», – деді шолушы.

Нәтижеліктің төмендігі

«Бевереннен» ұтылуы (0:1) – жай ғана иллюзия. Бұған тым салмақты қараудың қажеті жоқ. Бұл – жаңа бапкер келгелі бергі алғашқы мүлт кету болды, ал алаңда «Андерлехт» толық үстемдік етті. Жалғыз мәселе – гол соға алмағандары, бұдан шынымен де қауіптенуге болады. Команданың шабуылды аяқтауы жеткіліксіз».

Алматыдағы мақсат — тек жеңіс

«Қазір Бельгияда олардың Жаңа жылға дейін еурокубокте ойнайтынына сенімді. Бұл қысымды алып тастайды – 2025 жылы мұндай мүмкіндік уыстан шығып кеткен еді. Сондықтан «Қайратқа» қарсы кездесуде футболшылар еркін ойнайды. Брюссельдегі қарымта ойын алдында олар сырт алаңда оң нәтижеге қол жеткізуді көздейді», – деп қосты ол.

Еуропа лигасының плей-офф іріктеу кезеңі аясындағы «Қайрат» пен «Андерлехт» арасындағы алғашқы кездесу 20 тамызда Алматыда өтеді. Қарымта ойын бір аптадан кейін Брюссельде жоспарланған.

Еурокубок матчы үшін бельгиялық клуб 5 200 шақырым жолды еңсерді. Бельгия чемпионатының екі турынан кейін олар турнирлік кестеде 8-орында келеді.

Рафаэль Уразбахтин: «Андерлехтті» өтуге болады, бастысы – өзімізге сену