«Левскидегі» қазақ Чемпиондар лигасындағы «Қайратқа» қарсы матчқа күтпеген болжам жасады

«Левскидің» және Қазақстан жасөспірімдер құрамасының бұрынғы қорғаушысы Мидат Галбаев ASnews.kz-ке берген сұхбатында болгариялық клубқа қарсы Чемпиондар лигасының үшінші іріктеу кезеңіндегі қарымта ойындағы «Қайраттың» мүмкіндіктерін бағалады.

«Левскидегі» кезең – мансабымдағы ең жарқын сәт. Менің жүрегім бұл клубқа тиесілі. Дегенмен, қарымта матчта «Қайраттың» 2:1 есебімен жеңіске жеткенін қалаған болар едім. Бұл мүмкін, бірақ оңай болмайды: болгариялықтарда мінез бар.

«Левскиге» келген әрбір адам ерекше рухпен қанығады – бәрі де энергетикалық тұрғыдан қайралған. Сондықтан отандастарыма сәттілік тілеймін», – деді Галбаев.

Еске сала кетейік, «Левски» өз алаңында өткен алғашқы кездесуде португалиялық жартылай қорғаушы Сержиньюдің соққан голының арқасында «Қайратты» жеңген болатын (1:0). Қарымта ойын 11 тамыз күні «Түркістан Аренада» өтеді.

Мидат Галбаев болгариялық клуб сапында 2016-2017 жылдары өнер көрсеткен. Отанында футболшы павлодарлық «Ертістің» де намысын қорғады. Футболдағы мансабын 23 жасында аяқтағаннан кейін ол инвестициялық менеджер саласына ауысты.

Мансабын 23 жасында аяқтады: Словакиядағы тұңғыш қазақ – «Ертіс», агенттік схемалар және бай әкесі туралы