Белгілі төреші «Тобылдың» жеңілісі туралы: «Партизан» пенальтиден және екі сары қағаздан аман қалды

ФИФА-ның бұрынғы төрешісі Сергей Лапочкин ASnews.kz сайтына берген сұхбатында сербиялықтардың қолмен ойнағаны үшін «Тобыл» «Партизан» қақпасына пенальти тебуі керек болғанын мәлімдеді (0:3).

«Бұл – анық пенальти. Қорғаушы қолын созып, дене көлемін үлкейтті, бұл – жазаланатын жағдай. Шешім: тәртіптік санкцияларсыз 11 метрлік айып соққысы белгіленуі тиіс еді. «Партизан» футболшылары ысқырықтан кейін де допты тепті дей ме? Әрине, сары қағаз берілуі керек еді», – деді сарапшы.

Еске сала кетейік, кездесудің 14-минутында Александр Зуевтің әуелете берген пасынан кейін доп айып алаңында тұрған «Партизан» қорғаушысы Милан Рогановичтің қолына тиді. Португалиялық рефери Луиш Годинью бұл эпизодты назарсыз қалдырды.

Кейін сербиялық ұжым «Тобыл» қақпасына жауапсыз үш доп соғып, Конференциялар лигасының үшінші іріктеу кезеңіндегі алғашқы матчта жеңіске жетті. Қарымта кездесу 13 тамызда Қостанайда өтеді.

Сергей Лапочкин – Ресейдегі 2018/19 жылғы маусымның үздік арбитры. Қазіргі уақытта теледидарда сарапшы болып қызмет атқарады.

Конференция лигасындағы «Партизан»–«Тобол» ойынынан фотоесеп