«Қостанайда жаттығуға мүмкіндік берілмеді»: «Паневежистің» бапкері – Конференциялар лигасындағы «Тобылға» қарсы матч туралы

Литвалық «Паневежистің» бас бапкері Тони Коркеакуннас ASnews.kz-ке берген сұхбатында Конференциялар лигасының екінші іріктеу кезеңіндегі «Тобылға» қарсы қарымта матч алдында көкейкесті сұрақтарға жауап берді.

Алғашқы ойында 16 фол және 4 ескерту – мұншалықты дөрекілік қайдан шықты?

«Сары қағаздар – біз ұмтылатын нәрсе емес. Өзіңіз атап өткендей, бұл едәуір бейберекет орын алған ойын болды. Оның үстіне сол төреші (Мохаммад Аслам – ред.) ескерту жасағанды жақсы көреді – мен оны Норвегия чемпионатынан білемін. Әртүрлі елдер мен мәдениеттерден келген екі команда кездескенде мұндай жағдайлар болып тұрады».

ҚПЛ-дағы инфрақұрылым артық па?

«Тобылдың» стадионы үлкенірек («Паневежиске» қарағанда). Жақсы стадион. Бірақ олар бізге мүлде басқа төсеніші бар манежде емес, дәл осы алаңда жаттығуға мүмкіндік берсе болар еді. Ойын өтетін жерде жаттыққан әлдеқайда жақсы екені анық», – деп атап өтті 58 жастағы фин маманы.

Шағын аренасы бар провинциялық команда туралы әңгімелер:

«Шындығында, «Паневежистің» соңғы чемпиондықты жеңіп алғанына көп уақыт өте қойған жоқ. Иә, сіздердің клубтың бюджеті әлдеқайда жоғары. Бұл тұрғыда айырмашылық айқын сезіледі, бірақ алаңға 11 футболшы шығады.

Келесі кезеңге өту үшін біз 25 жарым сағаттық жолды еңсердік. Оның үстіне Паневежистің Литвадағы ең ірі қалалардың бірі екенін де ұмытпаған жөн. Бұл – теріскейдің мақтанышы».

Еске сала кетейік, 30 шілдеде «Тобыл» Литва чемпионатының сегізінші командасын қабылдайды, бұған дейінгі алғашқы кездесу тең есеппен (1:1) аяқталған еді. Келесі кезеңде бұл жұптың жеңімпазы сербиялық «Партизан» немесе люксембургтік «УНА Штрассен» ұжымдарының бірімен кездеседі (алғашқы матч – 4:0).

Тони Коркеакуннас «Паневежис» тізгінін осы жылдың сәуір айында ұстады. Бұған дейін маман Финляндия құрамасында Маркку Канерваға ассистент болған, сондай-ақ танымал ХИК клубын басқарған.

«Қорғанысқа жатып алмаймыз»: Ромащенко – «Тобылдың» стилі, жарақаттар мен «Паневежис» жайлы