«Бапкер қайда қойса, сонда ойнаймын»: «Тобылдың» футболшысы «Паневежиске» қарсы КЛ матчы жайлы

«Тобыл» мен Қазақстан құрамасының қорғаушысы Наурызбек Жагоров ASnews.kz-ке берген сұхбатында жиі позиция ауыстырудың өзіне қалай әсер ететіні туралы айтып берді.

«Мен ешқашан: «Жоқ, бұл позицияда ойнамаймын» деп айтпаймын. Қай жерде ұжымға көбірек пайда тигізе алсам, сонда шығамын. Белгілі бір рөлге байланып қалмаймын. Қорғаныста керек десе – артта, шабуылда десе – алда ойнай беремін. Дегенмен «Атырауда» жүргенде, әрине, вингер болдым», – деді 28 жастағы футболшы.

Еске сала кетейік, «Атырау» футбол мектебінің түлегі Наурызбек Жағоров «Тобыл» сапына 2025 жылы ауысқан болатын. Ағымдағы маусымда бұл универсал ойыншы бес түрлі позицияда 22 матч өткізіп, бір нәтижелі пас берді.

Атап өтейік, 30 шілдеде қостанайлық ұжым Конференциялар лигасының екінші іріктеу кезеңі аясында литвалық «Паневежисті» қабылдайды. Литвада өткен алғашқы кездесу 1:1 есебімен тең аяқталған еді.

«Қорғанысқа жатып алмаймыз»: Ромащенко – «Тобылдың» стилі, жарақаттар мен «Паневежис» жайлы