Жоржиньо – «Эмирейтсте» «Арсеналға» соққан голы туралы: бұл мүлдем бөлек деңгей

«Қайрат» клубының шабуылшысы Жоржиньо ASnews.kz сайтына берген сұхбатында «Арсенал» қақпасына соққан голына қатысты пікір білдірді.

«Әрине, гол соғу – әрдайым керемет сезім. Ал «Эмирейтс» стадионында гол соғу – мүлдем бөлек деңгей.

Осындай тәжірибе жинағаныма қуаныштымын, командамды және жігіттерді мақтан тұтамын. Біз алдағы уақытта да еңбек етуді, армандауды және алға жылжуды жалғастырамыз», – деді футболшы.

Жоржиньо кездесудің басында, жетінші минутта көзге түсті. Португалиялық ойыншы пенальтиді сәтті орындап, есепті теңестірді – 1:1. Матч 3:2 есебімен лондондықтардың пайдасына аяқталды.