Уразбахтин – МЮ-ден жеңілген «Арсеналдың» жағдайы туралы: жеңіліс оларға мотивация сыйлады

Алматылық «Қайраттың» бас бапкері Рафаэль Уразбахтин баспасөз мәслихатында «Арсеналдың» қазіргі ойын деңгейі туралы пікір білдірді, деп хабарлайды ASnews.kz.

«Нәтижелеріне қарасақ, «Арсенал» сирек жеңілетін команда. Статистикасын қарадым: «Манчестер Юнайтедке» қарсы кездесуге дейін олардың соңғы жеңілісі 12 матч бұрын болған.

Бұл сәтсіздік біздің ойынға деген көзқарасын өзгертеді деп ойламаймын. Олардың өз мақсаттары бар, әр матч әртүрлі сынақ. Керісінше, осындай жеңілістен кейін оларда ерекше мотивация болады: алаңға тек жеңіс үшін шығатыны анық», – деді Уразбахтин.

«Қайратқа» қарсы матч алдында лондондық клубы АПЛ-да «Манчестер Юнайтедке» 2:3 есебімен жол берді. 

«Арсенал» мен «Қайрат» арасындағы Чемпиондар лигасының соңғы тур ойыны Лондондағы «Эмирейтс» стадионында өтеді. Матч қаңтардың 28-нен 29-на қараған түні Қазақстан уақытымен 01:00-де басталады.