Анарбеков – «Арсеналмен» болатын матч жайлы: қарсыластың деңгейіне қарамастан өзімізді көрсетеміз

Алматылық «Қайраттың» қақпашысы Темірлан Анарбеков «Арсеналға» қарсы өтетін Чемпиондар лигасындағы матч алдында өткен баспасөз мәслихатында ойын туралы пікірін айтты, деп хабарлайды ASnews.kz.

«Ерекше сезімді бастан кешірудеміз, өйткені былтыр ғана біздің топ-клубтармен ойнайтынымызды ешкім елестете алмады.

Қарсыласқа келсек – Алла қаласа, ертең «Арсеналдың» деңгейіне қарамастан, жүз пайыз дайын екенімізді көрсетеміз. Өз күшімізді дәлелдейміз. Команда толығымен дайын. Жанкүйерлеріміздің қолдауын естиміз деп үміттенемін», – деді Анарбеков.

Чемпиондар лигасының соңғы тур ойыны Лондондағы «Эмирейтс» стадионында өтеді. Кездесу қаңтардың 28-нен 29-на қараған түні Қазақстан уақытымен 01:00-де басталады.