«Копенгаген» қақпасына гол соққан футболшы: оларды жеңуге шамамыз жетіп тұрды

«Қайраттың» жартылай қорғаушысы және «Копенгагенге» қарсы ойындағы голдардың бірін соққан Олжас Байбек Чемпиондар лигасының бесінші турындағы матчты қорытындылады, деп хабарлайды ASnews.kz.

«Әрине, нәтижеге көңіліміз толмады. «Копенгагенді» жеңуге шамамыз жететін еді, матчты екінші таймдағыдай агрессивті түрде бастағанда, біз тек ойынға оралып қана қоймай, жеңіске де жете алар едік. Иә, гол соққан жақсы ғой, бірақ команда жеңілген кезде бұған қуана да алмайсың.

Біз жанкүйерлердің дауысын естідік – олар көп болмаса да, біз олардың қолдауын сезіндік», – деді ойыншы.

Байбек келесі ойында жақсылап дайындалатынын мәлімдеді:

«Олимпиакосқа» қарсы үйде біз жеңіс үшін ойнап, соңына дейін күресуіміз керек. Өз алаңымыз бізге ұпай алуға көмектесу керек».

Чемпиондар лигасының бесінші турында «Қайрат» 3:0 есебімен ұтылып жатқанына қарамастан, Дастан Сәтпаев пен Олжас Байбектің голдарының арқасында ойынға қайта орала алды, бірақ есепті теңестіре алмады.

Бұған дейін Қайраттың қорғаушысы Александр Мрынский «Копенгагенге» қарсы сырт алаңдағы ойынды қорытындылаған болатын.