Рикардиньо – «Интермен» болған жайлы: тең ойнауға болар еді

«Қайрат» шабуылшысы Рикардиньо ASnews.kz сайтына берген сұхбатында Чемпиондар Лигасының төртінші турындағы «Интерге» қарсы матчты қорытындылап, команданың ойынын жоғары бағалады.

«Әрине, тең ойнауға болар еді. Біз гол соғып, өте жақсы ойын өрнегін көрсеттік. Бірінші тайм қиын болды, бірақ футболда мұндаә жағдайлар жиі болады. Біз көбірек гол соға алар едік, бірақ бұл өмір. Енді келесі ойын туралы ойлаймыз.

Иә, чемпионат аяқталды, сондықтан Чемпиондар лигасының матчтарына дайындалу сәл қиынырақ. Тонустан шығып қалдық. Бірақ, әрине, жақсы жаттығып, формада болуға тырысып жатырмыз.

Темір (Анарбеков) бүгін керемет ойын көрсетті – мен ол үшін өте қуаныштымын. Ол бұған лайық. Оның болашағы зор екеніне сенімдімін.

Жанкүйерлеріміздің дауысын есту керемет болды. Біз гол соққан кезде трибунаға қараған едім – олар қатты қуанды. Бізді қолдау үшін келген жанкүйерлерге рахмет», – деді Рикардиньо.

«Қайрат» Чемпиондар Лигасының төртінші турында «Интерге» 2:1 есебімен жеңілді.

Алматылық клуб сапында Офри Арад (55') гол соқса, алаң иелері Лаутаро Мартинес (45') және Карлос Аугустоның (67') арқасында жеңіске жетті.

Төрт турдан кейін «Интерде» 12 ұпай, ал «Қайратта» бір ұпай бар.

Келесі ойынын Рафаэль Уразбахтиннің командасы 26 қарашада сырт алаңда «Копенгагенге» қарсы өткізеді, ал «Милан» «Атлетико Мадридпен» кездеседі.