Широбоков – «Интерден» жеңілгені туралы: нәтиже көңіл көншітпейді, тең ойынға жақын болдық

«Қайрат» қорғаушысы Александр Широбоков Чемпиондар лигасының төртінші турындағы «Интерге» қарсы ойыннан кейін (1:2) ASnews.kz сайтына берген сұхбатында өз эмоцияларымен бөлісті.

«Бұл керемет сезім. Нәтиже көңіл көншітпейді, бірақ біз жақсы ойнадық. Ойынды қайтадан қарап шығамыз. Бапкерлер штабына осы мүмкіндік үшін алғыс айтамын – мен мұны пайдалануға тырыстым. Біз алға жылжып келеміз. Шынымен де тең нәтижеге жақын болдық. Соңғы сәтте дәл пас немесе дұрыс шешім жетіспей жатты. Осындай керемет жанкүйерлеріміздің бүкіл әлемде, бүкіл Еуропада бар екенін көру керемет сезім сыйлады. Қолдау көрсеткендеріңіз үшін үлкен рахмет – бұл анық естіліп тұрды», – деді Широбоков.

«Қайрат» Чемпиондар Лигасының төртінші турында «Интерге» 2:1 есебімен жеңілді.

Алматылық клуб сапында Офри Арад (55') гол соқса, алаң иелері Лаутаро Мартинес (45') және Карлос Аугустоның (67') арқасында жеңіске жетті.

Төрт турдан кейін «Интерде» 12 ұпай, ал «Қайратта» бір ұпай бар.

Келесі ойынын Рафаэль Уразбахтиннің командасы 26 қарашада сырт алаңда «Копенгагенге» қарсы өткізеді, ал «Милан» «Атлетико Мадридпен» кездеседі.