Зария – «Интермен» болған матч жайлы: турист ретінде емес, нәтиже үшін келдік

«Қайраттың» грузиялық жартылай қорғаушысы Гиорги Зария ASnews.kz сайтына берген сұхбатында Чемпиондар лигасының төртінші турындағы «Интерге» қарсы ойынды (1:2) қорытындылады.

«Бәрі жақсы еді, себебі есеп 1:1 болды. Бізге сәл сәттілік жетіспеді – егер олар екінші голды соқпағанда, мүмкіндікті пайдаланатын едік. Біз жеңілдік, бірақ жақсы ойнадық. Бұл футбол; қаласаң, кез-келген нәрсе болуы мүмкін. Мен алаңға шыққан кезде агрессия көрсетіп, мүмкіндігім болса, алыстан соққы жасағым келді. Есепті теңестіруге де болар еді.

«Интер» бізді қатты таң қалдырмады. Біз бүгін жақсы ойнадық, әсіресе Темірлан Анарбеков. Қолымыздан келгеннің бәрін жасадық. Біз мұнда турист ретінде емес, нәтиже үшін келдік. Ойыннан кейін жігіттердің ұнжырғасы түсіп кетті, бірақ бапкер барлығына алғыс айтты. Әр ойын сайын жақсарып келеміз және тәжірибеміз артып келеді. Келесі матчта тек жеңіс үшін ойнаймыз. Әлі ештеңе жоғалған жоқ – егер осылай ойнай берсек, плей-офф жолдамасы үшін күресе аламыз», – деді Зария.

Алматылық клуб сапында Офри Арад (55') гол соқса, алаң иелері Лаутаро Мартинес (45') және Карлос Аугустоның (67') арқасында жеңіске жетті.

Төрт турдан кейін «Интерде» 12 ұпай, ал «Қайратта» бір ұпай бар.

Келесі ойынын Рафаэль Уразбахтиннің командасы 26 қарашада сырт алаңда «Копенгагенге» қарсы өткізеді, ал «Милан» «Атлетико Мадридпен» кездеседі.