Уразбахтин – «Қайраттың» жас ойыншылары туралы: бәрі күресуге дайын

«Қайраттың» бас бапкері Рафаэль Уразбахтин ASnews.kz тілшісіне Азамат Тұяқбаевты 19 жасқа дейінгі командаға қосу туралы шешімін түсіндіріп, «Интерге» қарсы ойын алдында жас ойыншыларға арналған жоспарларымен бөлісті.

«Тұяқбаевқа келетін болсақ, ол 19 жасқа дейінгі командада ойнайды. Ол негізгі командада небәрі 10-15 минут ойнайтындықтан, жастармен бірге толық матч өткізуі керек деп шештік. Сондықтан біз оның 19 жасқа дейінгі командада ойнағаны тиімдірек деп ойладық.

Басқа жас ойыншыларға келетін болсақ, әрине, барлығы ойнауға құштар, күреске түсуге дайын. Біз алаңнан қазақстандық ойыншыларды көбірек көргіміз келеді. Ертең қалай болатынын көре жатармыз: оларды қосалқы құрамнан шығарып, халықаралық тәжірибе жинауға мүмкіндік береміз. Ойынды күтейік», – деді Уразбахтин.

«Интер» мен «Қайрат» арасындағы Чемпиондар лигасының матчы қарашаның 5-нен 6-на қараған түні Миландағы «Джузеппе Меацца» стадионында кездеседі.