Годберг Купер – «Қайрат» туралы: «Интерге» оңай болмайды

Былтыр «Тобыл» сапында өнер көрсеткен италиялық шабуылшы Годберг Купер ASnews.kz сайтына берген сұхбатында «Интердің» «Қайратпен» болатын ойыныны қатысты пікір білдірді.

«Интердің» барлық негізгі ойыншыларын алаңға шығаратынына сенімдімін. Оларға жеңіске жету керек, әсіресе әрбір ойын маңызды болатын Чемпиондар лигасының жаңа форматын ескерсек. Италия чемпионатында «Фиорентинаға» қарсы олар негізгі құраммен ойнады және «Қайратқа» қарсы да солай болатынына сенімдімін.

Біраз өзгерістер болуы мүмкін, бірақ олар үш ұпай алуы тиіс. «Қайраттан» кейін олардың қарсыластары қиын – «Атлетико», «Ливерпуль», «Боруссия Дортмунд». Жанкүйерлер «Қайратқа» қарсы оңай үш ұпай аламыз деп ойлағанымен, Чемпиондар лигасында оңай матчтар жоқ.

«Қайрат» бұл турнирде ойнап жатыр, бұл олардың осында болуға лайықты екенін және бір айтары бар екенін білдіреді», – деді футболшы.

Италиялық шабуылшы Годберг Купер өткен маусымда «Тобыл» сапында ойнап, клубпен бірге Қазақстан Суперкубогын жеңіп алды.

Чемпиондар лигасының үш турынан кейін «Қайрат» бір ұпай жинады – «Пафоспен» тең ойнады, «Спортингке» 1:4 есебімен жеңілді және «Реал Мадридке» 0:5 есебімен жеңілді. Төртінші турда алматылық команда Миланда «Интермен» ойнайды.