Зария – «Пафоспен» болған матч жайлы: олар қағаз алмағанда жақсырақ болар еді

Алматылық «Қайраттың» жартылай қорғаушысы Гиорги Зария ASnews.kz тілшісіне берген сұхбатында Чемпиондар лигасының үшінші турында кипрлік «Пафос» командасымен (0:0) өткен ойынды қорытындылады.

«Біз барынша агрессивті түрде ойнауымыз керек еді. Қызыл қағаздан кейін «Пафос» абайлап ойнай бастады, сондықтан олардың қорғанысын ашу қиын болды. Егер олардың ойыншысы қызыл қағаз алмағанда, біз үшін жақсырақ болар еді.

Тұяқбаевтың менен бұрын шыққаны таң қалдырмады. Біз бір командамыз, біздің жеңіске жету деген бір ғана мақсатымыз бар. Тек гол жетіспеді. Біз гол соқпадық, демек жеңіске жету мүмкін болмады. Бірақ гол соғатын мүмкіндіктер жасай алдық: қақпа бағанына тигіздік, менің мүмкіндігім бар, бірақ сәл жолымыз болмады.

Бізге Эдмилсон жетіспеді – әр ойыншының өзіне тән маңызды қасиеттері бар және оның жоқтығы қатты сезілді. Бірақ мен Анарбековты ерекше атап өткім келеді, ол бүгін үздік ойыншы атағына лайық болды», – деді Зария.

Алматының Орталық стадионында өткен кездесу тең аяқталды.