«Пафос» бапкері – Сәтпаев туралы: өте талантты және үлкен футболға дайын

«Пафос» командасының бас бапкері Хуан Карлос Карседо «Қайратқа» қарсы ойын алдында қазақстандық жас шабуылшы Дастан Сәтпаев туралы өз ойымен бөлісті, деп хабарлайды ASnews.kz.

«Иә, ол өте талантты және өте жас футболшы. Сәтпаев жақсы ойын өрнегімен көзге түсуде, менің білуімше, келесі жылы ол «Челсиге» ауысады. Оның дамып, алға жылжуға үлкен мүмкіндіктері болады. Қазіргі уақытта жас ойыншылар тез прогресс жасап, тіпті жас кезінде де жоғары деңгейді көрсетуде. Менің ойымша, Қазақстанда басқа да талантты ойыншылар бар. Бірақ біз жеке ойыншыға емес, жалпы командаға көңіл бөлуге тырысамыз», – деді Карседо.

«Қайрат» – «Пафос» кездесуі 21 қазан күні Алматыдағы Орталық стадионда өтеді.