Уразбахтин – «Пафос» туралы: футболда ақша емес, адамдар ойнайды

«Қайраттың» бас бапкері Рафаэль Уразбахтин матч алдындағы баспасөз мәслихатында Чемпиондар лигасындағы қарсыласы туралы пікірімен бөлісті, деп хабарлайды ASnews.kz.

«Футболды шын түсінетіндер «Пафостың» іріктеу кезеңінде кімді жеңгенін қарауы керек. Олар «Маккаби Тель-Авив» және «Динамо Киев» сияқты мықты командаларды тізе бүктірді. Сондықтан «Пафос» жоғары сапалы ойыны бар салмақты қарсылас.

Тіпті атақты командаларға қарсы болса да, біз ойнай алатынымызды білеміз – бәрі концентрация мен барын салғанына байланысты. Біздегідей клубтар деңгейінде әрқашан мүмкіндік бар. Футболда ақша емес, адамдар ойнайды. Сондықтан біз өзімізге сенеміз және соңына дейін күресеміз», – деді Уразбахтин.

«Қайрат» пен «Пафос» арасындағы үшінші тур ойыны 21 қазан күні Алматыдағы Орталық стадионда өтеді.