Sky Sports арнасының экс-жүргізушісі – Аршавин туралы: ол «Қайрат» пен «Арсеналды» байланыстырады

Британдық журналист, Sky Sports UK телеарнасының бұрынғы жүргізушісі Пол Гилмор ASnews.kz сайтына берген сұхбатында «Қайраттың» Чемпиондар лигасындағы қарсыластары туралы пікір білдірді.

«Тарихта алғаш рет «Қайрат» пен «Арсенал» кездеседі, мұны екі клубта да ойнаған Андрей Аршавин байланыстырады. Бірақ «Реалдың» Қазақстанға келуі одан да керемет оқиға болады. Жеребе нәтижесін көргенде ойыншылардың реакциясы шынымен де ерекше болды», – деді Гилмор.

Оның айтуынша, адамдар алматылық клубқа Қазақстанда ғана емес, шетелде де ерекше назар аударады:

«Көптеген бейтарап жанкүйерлер «Қайратты» қолдайды, өйткені клуб тарихты жаңартып, бүкіл Қазақстан футболы үшін үлкен қадам жасап жатыр».

Алматылық клуб өз тарихында алғаш рет Чемпиондар лигасының негізгі кезеңіне жолдама алды. Орталық стадионда олар «Реал Мадрид», «Брюгге», «Олимпиакос» және «Пафосты» қабылдайды. Ал сырт алаңда «Интер», «Арсенал», «Спортинг» және «Копенгагенмен» ойнайды.

Гилмор бұған дейін еуропалық алпауыт клубтардың Алматы секілді сырт алаңдағы ойындарды жек көретінін айтқан болатын.