Арад – «Реалдан» жеңілгені туралы: келесі ойында ұпай алуға тырысамыз

Алматылық «Қайраттың» жартылай қорғаушысы Офри Арад Чемпиондар лигасының екінші турында «Реалдан» жеңілгеннен кейін ASnews.kz тілшісіне берген сұхбатында өз эмоцияларымен бөлісті.

«Әрине, біз жақсырақ нәтиже көрсеткіміз келді, бірақ бұл «Реал Мадрид», Чемпиондар лигасындағы ең үздік командалардың бірі. Біз күресу үшін шықтық және қолдан келгеннің бәрін жасадық. 0:5 есебі матчтың толық бет-бейнесін көрсетпейді. Бұл Қазақстан үшін тарихи түн болды; біз бұл ойыннан көп нәрсе ұттық. Келесі ойында ұпай алуға тырысамыз», – деді Арад.

Алматылық «Қайрат» Чемпиондар лигасының екінші турында мадридтік «Реалға» (0:5) есе жіберді. Матч Алматының Орталық стадионында өтті. Килиан Мбаппе хет-трик жасаса, Эдуардо Камавинга мен Браим Диас бір голдан соқты.