Вальверде – «Қайратпен» болатын матч жайлы: реванш алып, жағдайды өзгертуге тырысамыз

Мадридтік «Реалдың» жартылай қорғаушысы Федерико Вальверде матч алдындағы баспасөз мәслихатында «Қайратқа» қарсы өтетін ойын жайлы пікірімен бөлісті, деп хабарлайды ASnews.kz.

«Әрине, футбол тұрғысынан біз жағдайдың басқаша болғанын қалар едік. Біз жеңіске жетуге және өткен күнгі жеңілістің динамикасын өзгерту үшін мүмкіндігінше тезірек кек алуға тырысамыз. Бізді соншама көп жанкүйерлер қарсы алды – бұл жақсы әсер сыйлады», – деді уругвайлық футболшы.

Чемпиондар лигасының екінші тур ойыны 30 қыркүйекте Алматыдағы Орталық стадионда өтеді. Басталуы Астана уақытымен 21:45-те. Бұл «Қайраттың» өз алаңындағы алғашқы ойыны болмақ.