Вальверде – Алматыдағы жанкүйерлердің қарсы алуы туралы: «Реалдың» фанаттарын көріп, қуанып қалдық

Мадридтік «Реалдың» жартылай қорғаушысы Федерико Вальверде Чемпиондар лигасының екінші турында «Қайратқа» қарсы ойын алдында Алматының жылы қарсы алғанын жеткізді, деп хабарлайды ASNews.kz.

Бұл «Реал Мадрид» секілді жоғары деңгейдегі команда келгенде болатын қалыпты жағдай. Түн болса да, жанкүйерлердің көп болғаны көңіл қуантты. Біз Испаниядан алыс болсақ та, мұнда «Реал Мадридтің» жанкүйерлері көп екен. Алыс жерге келсең де, жылы қарсы алу – футболдағы ең әдемі дүниелердің бірі», – деді Вальверде.

Чемпиондар лигасының екінші турында «Қайрат» Алматыдағы Орталық стадионда «Реал Мадридті» қабылдайды. Матч ертең, 21:45-те басталады.