«Қайрат» қорғаушысы – Қалмұрза туралы: бәрі жақсы, ол «Реалға» қарсы дайындалып жатыр

Алматылық «Қайраттың» қорғаушысы Егор Сорокин матч алдындағы баспасөз мәслихатында жас қақпашы Шерхан Қалмұрзаның жағдайы туралы пікірімен бөлісті, деп хабарлайды ASNews.kz.

«Оның жағдайы жақсы, «Спортингке» қарсы матчтан кейін қалыпты түрде дайындалуда. Жұлдыз боп кетпей, бұрынғыдай әлі де жер бетінде жүр. Нақтырақ айту қиын, өйткені онымен қақпашылар бапкері көбірек уақыт өткізеді. Бірақ ол ертеңгі ойынды асыға күтуде және жауапкершілікті түсінеді. Біз оған барынша көмектесіп жатырмыз. Барлығы жақсы, жағдай тұрақты», – деді ойыншы.

«Қайрат» 2025/26 жылғы Чемпиондар лигасының екінші туры аясында «Реал Мадридті» қабылдайды. Ойын 30 қыркүйек күні Алматыдағы Орталық стадионда өтеді және Астана уақытымен 21:45-те басталады.