Сорокин: «Реал» – топ-клуб, бізге қателік жіберуге болмайды

Алматылық «Қайраттың» қорғаушысы Егор Сорокин «Реалға» қарсы матч алдындағы баспасөз мәслихатында өз эмоцияларымен бөлісті, деп хабарлайды ASnews.kz.

«Матч неғұрлым жақындаған сайын, концентрация да арта түседі. Бұл жаттығу процесінде де, командалық атмосферадан да байқалады. Әрине, қысым бар, өйткені бұл матчтың қаншалықты маңызды екенін түсінеміз. «Реал» – топ-клуб, бізге ешқандай қателік жіберуге болмайды. Бірақ өзімізді көрсетіп, Қазақстанның намысын қорғауға дайынбыз», – деді Сорокин.

«Қайрат» 30 қыркүйек күні Чемпиондар лигасының екінші турында «Реалмен» ойнайды. Матч Алматыдағы Орталық стадионда өтеді және Астана уақытымен 21:45-те басталады.