«Қайраттың» бас бапкері: «Реалдың» соңғы бес матчын тамашаладық

«Қайраттың» бас бапкері Рафаэль Уразбахтин матч алдындағы баспасөз мәслихатында «Реалға» қарсы ойын туралы өз ойымен бөлісті, деп хабарлайды ASnews.kz.

«Біз шын мәнінде «Реал Мадридтің» соңғы бес матчын ғана тамашаладық. Олардың клубтар арасындағы әлем чемпионатында ПСЖ-ға қарсы өткізген ойынын зерттедік. Ондай сәтсіздіктер болып тұрады, себебі жеңілу футболдың бір бөлігі емес пе? «Реал Мадрид» – тұрақты команда. Олар матчқа арналған схемасын жиі өзгертіп отырды, содан кейін қиындықтар туындаған шығар. Сондай-ақ негізгі құрамда көбінесе қосалқы құрамнан ойынға қосылып жүрген футболшылар шықты. Біз көбінесе олардың жеңген матчтарын талдадық, енді ертең не болатынын көреміз», – деді жаттықтырушы.

«Қайрат» 30 қыркүйек күні Чемпиондар лигасының екінші турында «Реалмен» ойнайды. Матч Алматыдағы Орталық стадионда өтеді және Астана уақытымен 21:45-те басталады.