АПЛ-дың бұрынғы қорғаушысы – Сәтпаевтың «Челсиге» ауысуы туралы: Қазақстан жастары үшін тамаша үлгі

Алматылық «Қайрат» пен Словакия құрамасының бұрынғы орталық қорғаушысы Любомир Михалик ASnews.kz сайтына берген сұхбатында қазақстандық футболдың дамуы туралы пікірімен бөлісіті.

– Кеткеніңізден бері қазақстандық футболды қадағалап жүрсіз бе? Көп нәрсенің өзгергені анық.

– Мен өзім ойнаған барлық клубтарды әлбетте қадағалап отырамын, «Қайрат» та ерекшелік емес. Мен олардың Братиславадағы «Слованға» қарсы матчына бардым, сондай-ақ жаттығуларының бірінде болдым. Клуб сапында өнер көрсеткен кезден таныған жалғыз адам – қауіпсіздік қызметінің қызметкері болды. Мен Қайрат Боранбаевты медиакеңістіктен әлі де көріп тұрамын және дәл осы күндері оның өзінің 60 жастық мерейтойын атап өтіп жатқанына назар аудардым.

«Қайраттың» Чемпиондар лигасына шығуы клубтың өзі үшін де, бүкіл қазақстандық футбол үшін де үлкен жетістік болды. Мен сондай-ақ олардың академиясының ойыншысы Дастан Сәтпаевтың «Челсидің» назарын аударғанына өте қуаныштымын. Бұл Қазақстандағы барлық жас футболшылар үшін тамаша әрі үміт беретін белгі.

Еске сала кетейік, бұрынғы қорғаушы Словакия ұлттық құрамасы сапында сегіз матч өткізіп, екі гол соққан.

2013–2014 жылдары Михалик алматылық «Қайраттың» намысын қорғады. Қазақстандық клуб сапында ол 52 матч өткізіп, бір гол соқты және екі нәтижелі пас берді, сондай-ақ 2014 жылғы маусымда Қазақстан кубогының иегері атанды.

Қорғаушы мансабының айтарлықтай бөлігін Англияда өткізіп, «Болтон», «Лидс», «Карлайл Юнайтед» және «Портсмут» клубтарында өнер көрсетті. Словакияда ол ДАК 1904, «Середь» және басқа да бірқатар командаларда ойнады.