Сәтпаевтың бапкері «Бернлидің» турнирлік жағдайын қалай түзейтінімен бөлісті

Англиялық «Бернлидің» бас бапкері Ники Хайен Чемпионшиптегі ұзаққа созылған үш апталық үзіліске арналған команда жоспарымен бөлісті, деп хабарлайды ASnews.kz.

Burnley Express басылымының мәліметінше, клуб басшылығы шетелде шағын оқу-жаттығу жиынын өткізу мүмкіндігін қарастырып жатыр. Команда Барселонадағы «Эспаньол» базасына аттануы мүмкін деп күтілуде.

Хайен маусымның сәтсіз басталуынан кейін бұл үзілісті ұжымды біріктіру және өзінің тактикалық идеяларын енгізу үшін пайдаланбақ. Алайда, бірден сегіз футболшының ұлттық құрамаларға шақырту алуына байланысты клуб орналасқан жерден кетіп қалуы толыққанды жаттығу үрдісін қиындатып тұр.

«Біз дайындық үшін ең жақсы жағдайларды іздестірудеміз. Ойыншылар футболдан бір сәт алыстап, жағымсыз ойларды артта қалдыруы және тың күшпен оралуы үшін бірнеше демалыс күнін алады. Бізде арнайы жүгіру бағдарламасы жоспарланған – үш апталық болса да, бұл біз үшін жаңа маусымалдық дайындық іспетті. «Уотфордпен» өтетін келесі ойында міндетті түрде жеңіске жетуіміз керек, және біз ол матчта мүлдем басқа команда ретінде көрінгіміз келеді», – деді Хайен.

Еске сала кетейік, «Бернлидің» намысын 18 жастағы қазақстандық шабуылшы Дастан Сәтпаев қорғайды. Қазір форвард жарақатынан айығып жатыр, сол себепті құрама матчтарын өткізіп жібереді.

Маусымды өте сәтсіз бастаған клуб Чемпионшиптің турнир кестесінің ең соңғы сатысында тұр. Команда өзінің келесі ресми матчын 10 қазанда сырт алаңда «Уотфордқа» қарсы өткізеді.