Қазақстандық футболшының клубы Еуропада дауға ілікті: толығырақ

Испаниялық «Морало» 19 жастағы камерундық Алекс Петангпен келісімшартқа отырғаннан кейін қоғамдық резонанс тудырды, деп хабарлайды ASnews.kz.

Испанияның бесінші дивизионының клубы «Эркулес» шабуылшысы Алекс Петангты жалға алды. Алайда африкалық жаңа ойыншыны таныстырғаннан кейін әлеуметтік желілерде қызу талқылау басталды – жанкүйерлер оның жасын растайтын құжаттардың шынайылығына күдікпен қарауда:

«Оны көрдіңіздер ме? Бұл ірі денелі, тақырбас ер адам ғой. Оның жасы 19-да болуы мүмкін емес», – деді клубқа жақын дереккөздердің бірі. Жоғары тұрған органның бұл мәліметтерді тексеретіні не тексермейтіні әзірге белгісіз.

Еске сала кетейік, «Морало» сапында 18 жастағы қазақстандық қорғаушы Айдар Нығмет өнер көрсетеді. Осы жазда «Астана» түлегі маусымалдық Torneo Norte de Extremadura турнирінде жеңіске жеткен болатын.

Санемен бірге: қазақстандық футболшы «Галатасарай» сапында алғашқы ойынын өткізді