Англиядағы рекордтар: 18 жасар Дастан Сәтпаев «Бернли» мен Чемпионшип тарихын қалай қайта жазуда

«Бернли» шабуылшысы Дастан Сәтпаев мансабының бастапқы кезеңінде-ақ бірнеше бірегей жетістікке қол жеткізіп, ағылшын футболына қарқынды кірісті, деп хабарлайды ASnews.kz Extratime арнасына сілтеме жасап.

Посткеңестік кеңістіктен шыққан ең жас ойыншы: Сәтпаев Чемпионшипте дебют жасаған бұрынғы КСРО елдерінен шыққан 18-ші футболшы әрі жарыс тарихындағы ең жасы атанды.

«Бернли» үздіктер бестігінде: Қазақстандық ойыншы 18 жас 11 күнінде алаңға шығып, Чемпионшиптегі «Бернли» тарихындағы ең жас дебютанттардың үздік бестігіне енді.

Лига кубогындағы алғашқы қазастандық: Форвард Англия лига кубогында өнер көрсеткен тарихтағы алғашқы қазақстандық футболшы болды.

Чемпионшиптегі екінші қазақстандық із: Шабуылшы Чемпионшипте бақ сынаған екінші қазақстандық өкіл атанды. Бұған дейін 2013/14 жылғы маусымда «Уотфорд» сапында ел тумасы Александр Меркель өнер көрсеткен (11 матч, бір гол).

Географиялық бірегейлік: Сәтпаев соңғы 20 жылда Чемпионшипте дебют жасаған 131-ші елдің легионері болды.

Қазақстандық форвард «Бернли» сапында жалға алу құқығымен өнер көрсетеді және ағылшындық клуб үшін екі ресми матч өткізіп үлгерді. Оның Чемпионшиптегі дебюті 2026 жылдың 23 тамызында «Вест Бромвич Альбионға» қарсы ойында (1:3) өтті, онда ол екінші таймда ауысуға шығып, 34 минут ойнады. Ал 26 тамызда «Брэдфорд Ситиге» қарсы кубоктық кездесуде (негізгі уақытта 0:0, пенальти бойынша 2:4) шабуылшы алғаш рет бастапқы құрамда алаңға шығып, 80 минут өткізді және қарсылас қақпасына екі соққы жасап үлгерді.

«Бернли»: клуб туралы ақпарат, тарихы, стадионы, бапкері. Дастан Сәтпаев қайда кетті?