«Шахтердың» бұрынғы ойыншысы: «Тұран» ҚПЛ-ға бірінші орынмен шығуды көздейді

«Оқжетпестің» экс-шабуылшысы Шыңғыс Флюк ASnews.kz сайтына берген сұхбатында «Тұран» клубымен келісімшартқа отырғаны туралы айтты.

«Мен толыққанды «Тұран» ойыншысы аьандым. Қазір өзімді қалыпқа келтіріп жатырмын, бұрынғыдан да мықты болып ораламын деген үміттім бар. Мұнда жақсы ұжым жиналған: жігіттердің бәрі еңбекқор, барлығы ҚПЛ-ға бірінші орынмен шығу үшін жұмыс істеп жатыр», – деді шабуылшы.

24 жастағы Шыңғыс соңғы рет алаңға өткен жылдың қазан айында шыққан. «Оқжетпеске» дейін ол «Шахтер» мен «Ұлытауда» өнер көрсетті. Бірінші лигада 73 матч өткізіп, 31 гол мен 4 нәтижелі пастың авторы атанды.

Чемпионаттың алғашқы турында «Тұран» «Оңтүстік академиясына» 1:2 есебімен жол берді. Команданы Виктор Кумыков жаттықтырады, ал оған Самат Смақов пен Константин Горовенко көмектеседі.