Постекоглудың шәкірті әрі Қытай чемпионы: Ван ’т Схипке дейін Қазақстан құрамасын кім басқаруы мүмкін еді

Өткен жазда футболдан Қазақстан ұлттық құрамасының бас бапкері қызметіне танымал аустралиялық маман Кевин Мускат тағайындалуы мүмкін еді, деп хабарлайды ASnews.kz.

Оның кандидатурасын Қазақстан футбол федерациясы Талғат Байсуфинов отставкаға кеткеннен кейін және нидерландтық Джон ван ’т Схип тағайындалғанға дейін қарастырған.

Бапкердің Астанаға келуіне оның қытайлық «Шанхай Порт» клубымен 2026 жылдың 31 желтоқсанына дейін жасалған келісімшарты басты кедергі болды.

Аустралиялық маман бапкерлік жолын Эндж Постекоглудың (қазіргі «Әл-Наср» бапкері) көмекшісі ретінде бастаған. Кейінірек ол аустралиялық «Мельбурн Виктори», бельгиялық «Сент-Трюйден», жапониялық «Йокогама» және қытайлық «Шанхай Порт» клубтарын басқарды.

Мускаттың жүлде қоржынында алты титул бар: ол екі дүркін Қытай чемпионы және Кубогының иегері атанды, Жапония чемпионаты мен Суперкубогын жеңіп алды, сондай-ақ Аустралия Кубогын иеленді.

Еске сала кетейік, Қазақстан құрамасына жаңа бас бапкер іздеу жұмыстары осы жазда Талғат Байсуфиновтың отставкасынан кейін басталған еді. Нәтижесінде ҚФФ таңдауы нидерландтық маман Джон ван ’т Схипке түсті. Оның жетекшілігімен жаңарған ұлттық команда Ұлттар лигасында екі матч өткізіп, Фарер аралдарымен тең түсті (1:1) және сырт алаңда Словакияға жол берді (1:2).

Ла Лига футболшысы Қазақстан құрамасына қосылуы мүмкін