«Оқжетпес» Қазақстан құрамасының шабуылшысына қызығушылық танытуда

«Ордабасы» мен Қазақстан ұлттық құрамасының 22 жастағы шабуылшысы Мағжан Тоқтыбай көкшетаулық «Оқжетпес» клубының назарына ілікті, деп хабарлайды ASnews.kz.

Көкшетаулықтар футболшының өкілдерімен алдын ала келіссөздер жүргізіп үлгерді. Қысқы трансферлік кезеңдегі мүмкін болатын ауысудың басты себебі – ойыншының Шымкентте өзіне жетіспей жүрген тұрақты ойын тәжірибесін алуға деген ұмтылысы. Өткен қысқы үзілісте форвард «Оқжетпеске» ауысуға жақын болған еді, алайда ол кезде тараптар өзара мәмілеге келе алмады.

Биылғы маусымда Тоқтыбай барлық додада «Ордабасы» сапында толық емес 18 матч өткізіп (алаңда барлығы 397 минут ойнады), бір гол соғып, бір нәтижелі пас берді.

Осы жылдың маусым айында шымкенттік футбол түлегі Венгрияға қарсы жолдастық кездесуде Қазақстан ұлттық құрамасы сапында алғашқы ойынын өткізді.

Шабуылшының трансферлік құны 250 мың еуроға бағаланып отыр.

ҚПЛ клубы Боатенгтен бас тартты: толығырақ