Сенсация үшін 24 миллион тенге: демеушілер «Оқжетпес» ойыншыларын «Ордабасыны» жеңгені үшін марапаттады

Қазақстан премьер-лигасының 25-туры аясында шымкенттік «Ордабасыны» өз алаңында 2:1 есебімен тізе бүктірген көкшетаулық «Оқжетпес» футболшылары клуб демеушілерінен қомақты ақшалай сыйақы алды, деп хабарлайды ASnews.kz.

Ойыннан кейін белгілі болғандай, чемпиондыққа басты үміткерлердің бірін тізе бүктіргені үшін демеушілер көкшетаулықтарға мынадай жомарт сыйақылар бөлді:

• 20 000 000 тенге – бүкіл командаға берілген жалпы сыйақы;

• 2 000 000 тенге – гол авторларына (Нұрғайни Бөрібаев пен Леонарду Де Ассунсауға);

• 2 000 000 тенге – қақпада сенімді ойын көрсеткен қақпашы Мирослав Лобанцевке.

Айта кетейік, бұған дейін «Оқжетпес» ойыншылары гол соққаны үшін берілетін жеке сыйақылардың командадағы барлық футболшылар арасында дәстүрлі түрде бөлісетінін айтқан болатын. Бұл командаішілік бірліктің мықты екенін көрсетеді.

Қазақстан премьер-лигасының 25-турында «Оқжетпес» өз алаңында турнир кестесінің көшбасшысы шымкенттік «Ордабасыны» 2:1 есебімен жеңді. Көкшетаулықтарға жеңісті Нұрғайни Бөрібаев (пенальтиден) пен Леонарду Де Ассунсаудың соққан голдары әкелді. Қонақтар бұған Бьорн Йонсеннің жалғыз добымен ғана жауап қайтарды.

Осы жеңістің арқасында көкшетаулық клуб 42 ұпай жинап, турнир кестесінде елордалық «Астанамен» теңесті.

«Төрешілікке шағымданатын олар емес»: Алюетов – «Ордабасыны» жеңгені және хейтерлер туралы