Еуропалық клубтың басшысы – Лисакович туралы: «Тобылға» сөзсіз пайдасын тигізеді

Словениялық «Целе» клубының спорт директоры Геннадий Голубин ASnews.kz сайтына берген сұхбатында команданың бұрынғы шабуылшысы Виталий Лисаковичтің «Тобылға» ауысуына қатысты пікір білдірді.

«Лисакович – өте мықты футболшы. Оның «Тобылға» сөзсіз пайдасы тиеді. Кейбіреулер оны тәкаппар дейді. Бірақ мінезі бірдей адам болмайды, әркімнің болмысы әртүрлі. Меніңше, Словенияда Виталий үшін уақыт та, орта да қолайлы болмады», – деді 56 жастағы маман.

Жуырда «Тобыл» 28 жастағы шабуылшы Виталий Лисаковичпен келісімшартқа отырды. Беларусь құрамасының ойыншысы осыған дейін Словенияның «Целе» клубында өнер көрсетіп, 14 матчта бірде-бір гол соға алмады. Бұған дейін Ресейдің «Локомотив» және «Рубин» клубтарында доп тепкен.

Қазақстан Премьер-лигасының 19 турынан кейін қостанайлық клуб турнирлік кестеде тоғызыншы орында тұр.

«Тобылда» жұмыс істеу – керемет»: Ромащенко – «Паневежиспен» ойын, Тағыберген және шабуылдағы қиыншылықтар туралы