«Ақтөбенің» жаңа бапкері команданы жеңілісімен «құттықтады»

«Ақтөбенің» 31 шілдеде ғана бас бапкері болып тағайындалған Игорь Черевченко ҚПЛ-дың 20-туры аясындағы өзінің дебюттік матчын қорытындылады.

Петропавлдық «Қызылжарға» қарсы кездесу оның шәкірттерінің 1:3 есебімен жеңілісімен аяқталды.

Ойын нәтижесіне пікір білдірген маман күлкілі жайтқа жол берді. Кездесу Петропавлда өткендіктен, «Ақтөбе» футболшылары қонақ мәртебесінде болған еді. Алайда бапкер қарсыласқа құрмет көрсетемін деп, командалардың рөлін шатастырып алды да, ұтылып қалған өз ұжымын байқаусызда жеңісімен құттықтап қойды:

«Ойын жанкүйерлерге ұнады деп ойлаймын. Бүгін бәрі болды: голдар да, алаңнан қуу да, қауіпті сәттер де. Қонақтарды жеңісімен құттықтауға болады.

Жалғыз өкініштісі – бірінші таймдағы гол соғатын шабуылдардың 50 пайызын пайдаланғанымызда, ойын тағдырын бірінші таймда-ақ шешіп тастауға болар еді», – деді Черевченко.

Қазіргі уақытта қоржынында 31 ұпайы бар «Ақтөбе» Қазақстан чемпионатының турнирлік кестесінде төртінші орында келеді.

Ресейлік сарапшы – «Ақтөбенің» жаңа бапкері туралы: Черевченконың тұсында тәртіп болады