Болгария құрамасының бұрынғы ойыншысы «Ертіске» ауысуы мүмкін

«Ордабасы» клубының болгариялық шабуылшысы Димитар Митков павлодарлық «Ертіс» командасына ауысуға жақын, деп хабарлайды ASnews.kz.

26 жастағы форвард Шымкенттен легионерлер лимитіне байланысты кетуге мәжбүр болып отыр: норвегиялық Бьорн Йонсенді құрамға қосқаннан кейін «Ордабасы» сапындағы шетелдік ойыншылар саны 11-ге жетті, ал ҚПЛ регламенті бойынша 10 легионерді тіркеуге ғана рұқсат.

Митков осы маусымда «Ордабасы» сапында 13 матч өткізіп, 4 гол соқты, 2 нәтижелі пас берді. Бұған дейін ол Болгарияның жастар құрамасына (U-21) шақыртылып, онда 4 ойын өткізген.