ТВ-компаниялардың Қазақстандағы матч трансляциясы үшін қанша ақша сұрағаны белгілі болды

Қазақстан футбол федерациясы (ҚФФ) бірінші және екінші лига матчтарының трансляциясымен айналысқан InHockey компаниясымен келісімшартты бұзғанын жариялады, деп хабарлайды ASnews.kz.

Тендерге бірнеше компания қатысып, ҚФФ-ға өздерінің ұсыныстарын жолдаған.

Федерация қызметтерді үш лот бойынша сатып алған:

1-лот – Қазақстан Премьер-лигасы, УЕФА форматы (көп камералы түсірілім, орталық матчтар, кубок финалдары)

1. Братес – 16 млн (бір матчқа төленетін сома)
2. Cyber TV – 6,5 млн
3. Sports Innovations – 5,2 млн

2-лот – Қазақстан Премьер-лигасы, стандарт формат

1. Братес – 8,4 млн
2. Қара Studios – 2 млн
3. Sport production – 1,8 млн
4. Sports Innovations – 1,372 млн

3-лот – бірінші лига, екінші лига және әйелдер лигасы

1. Братес – 2 млн
2. Cyber TV – 979 мың
3. InHockey – 836 мың
4. Cyber TV – 812 мың
5. Sports Innovations – 808 мың
6. Қара Studios – 770 мың
7. ИП Ахметов – 750 мың
8. Sport production – 750 мың
9. InHockey – 590 мың

Айта кетейік, биылғы маусымда ҚПЛ матчтарының трансляцияларына Sports Innovations компаниясы қатысуда (ашық деректерге сәйкес, басшысы – «Алтай» (Семей) клубының бұрынғы директоры және «SILA Central Asia» өкілі Қуанышбек Омаров).

Егер осы маусымда тендер жеңімпазы бір ойынды 1,3 млн теңгеге түсіріп жатса, өткен жылы бұл қызмет 2,5 млн теңгені құраған. Алайда әр өңірдегі түсірілім топтары мұндай көлемде табыс таппағандарын айтады.

2024 жылы федерация Қазақстан чемпионатының бір ойынын түсіру үшін 1 млн теңге жұмсаған. 2025 жылы қызмет құнының 2,5 есеге қымбаттауына не себеп болғаны туралы ақпарат жоқ.

Жалпы, ҚПЛ матчтарының түсірілім құны жылдар бойынша:

2024 жыл – 1 млн

2025 жыл – 2,5 млн

2026 жыл – 1,3 млн

Бұған дейін әлеуметтік желілерде B.A.S Production басшысы Ақылбек Досжанов ҚПЛ ойындарындағы трансляциялардың үзілуіне байланысты бірнеше рет сынға ұшыраған еді. Премьер-лиганың 5-турында кейбір матчтарда маңызды сәттердің қайталаулары болмады.